PRESENTACIÓN

Somos 8 alumn@s do I.E.S. David Buján, de Cambre (A Coruña) que estudamos 3º ESO. O noso instituto está na parroquia de Sigrás do municipio de Cambre, por iso eliximos o nome de MERCASIGRÁS para a nosa cooperativa.

No noso Instituto, ademais da ESO, tamén se imparten estudos de Bacharelato, Ensinanza Secundaria para Adultos (ESA) e un Programa de Garantía Social (PGS).

En Cambre pódense visitar moitos lugares de interese: a igrexa Románica Santa María de Cambre do século XII e moi preto está o Museo arqueolóxico. Un tramo do Camiño Inglés (Camiño de Santiago) discorre polo noso municipio. Tamén é moi bonito o contorno do río Mero e a ponte romana que hai na súa desembocadura na ría de O Burgo.

En Cecebre (Cambre) atópase un importante encoro dende o cal se subministra auga potable á cidade de A Coruña e outros municipios limítrofes. Moi cerca de aquí está a "Fraga de Cecebre", un fermoso bosque que inspirou a novela "O Bosque animado" de Wenceslao Fernández Flórez. Probablemente moitos de vós veriades a película que en 1987 dirixiu José Luís Cuerda a partir desta novela.

A poucos Km. de Cambre podemos visitar a cidade de A Coruña, onde podemos gozar do seu longo Paseo Marítimo, da súa fermosa Cidade Vella, da Praza de María Pita, dos seus interesantes museos como a Casa do Home (Domus), a Casa das Ciencias e o seu Planetario, o Museo Arqueolóxico no belo Castelo de San Antón e, como non, da famosa Torre de Hércules, faro romano que aínda segue en funcionamento e que recentemente foi designado candidato a converterse en Patrimonio da Humanidade.